News

Hetauda, Makawanpur — In a significant move towards enhancing academic excellence, Makawanpur Multiple Campus (MMC), Hetauda and Aadikavi Bhanubhakta Campus (ABC), Tanahun have officially signed a Memorandum of Understanding (MOU) to foster collaboration in faculty development, quality education, and research advancement.

The MOU, signed on August 1, 2024, marks a pivotal moment for both institutions. Dr. Yam Bahadur Silwal, campus chief of MMC, and Mr. Maha Prasad Hadkhale, campus chief of ABC, formalized the agreement during a ceremony attended by faculty members and administrative staff from both campuses.

This strategic partnership aims to create a framework for mutual support and resource sharing between the two campuses. Key aspects of the MOU include:

1. Faculty Development: Both institutions will collaborate on training programs, workshops, and seminars designed to enhance the professional skills of their faculty members. This initiative seeks to ensure that educators are equipped with the latest knowledge and teaching methodologies.
2. Quality Education: The MOU emphasizes the importance of delivering high-quality education by implementing joint academic projects, curriculum improvements, and student exchange programs. The goal is to provide students with a richer, more diverse learning experience.
3. Research Advancement: Recognizing the critical role of research in academic growth, the agreement will support collaborative research initiatives. Both campuses will work together on research projects, share findings, and contribute to academic publications, fostering a culture of innovation and discovery.

In a related development, a group of BBA 5th semester students from Aadikavi Bhanubhakta Campus visited Makawanpur Multiple Campus to interact with their peers and faculty. This visit provided an opportunity for students to engage in discussions about academic experiences and insights, further strengthening the ties between the two institutions.

Dr. Yam Bahadur Silwal expressed enthusiasm about the partnership, stating, “This MOU represents a significant step towards achieving academic excellence through collaboration. We believe that by working together, MMC and ABC can make substantial contributions to enhance the academic excellence.”

Mr. Maha Prasad Hadkhale echoed this sentiment, saying, “Our collaboration with MMC will not only enhance our institutional capabilities but also benefit our students and faculty through shared knowledge and resources. We are excited about the opportunities this partnership will bring.”

The signing of this MOU, along with the recent student exchange, is expected to set a precedent for future collaborations among educational institutions in Nepal, aiming to elevate the standards of higher education and research across the country. Both MMC and ABC are committed to leveraging their combined strengths to drive progress and achieve shared academic goals.

हेटौँडाः मकवानपुर बहुमुखी क्याम्पसमा स्वतन्त्र विद्यार्थी युनियन (स्ववियु) ले प्राध्यापकहरुलाई सम्मान गरेको छ । गुरुपूर्णिमाको अवसरमा आइतबार बिहान एक कार्यक्रमका बीच प्राध्यापकहरुलाई खादा ओढाउँदै मायाको चिनो दिएर सम्मान गरेको हो ।

स्ववियु अध्यक्ष छोइसाङ स्याङ्तान लामाको अध्यक्षता तथा बागमती प्रदेश सरकारकी सामाजिक विकास मन्त्री कुमारी मोक्तानको प्रमुख आतिथ्यमा सम्मान कार्यक्रम भएको हो । सम्मान कार्यक्रममा जिल्ला समन्वय समिति मकवानपुरका प्रमुख ललित घलान, क्याम्पस सञ्चालक समितिका अध्यक्ष अनन्तप्रसाद पौडेल, उपाध्यक्ष अशोक शाक्य, सदस्य विष्णुप्रसाद दाहाल, सर्केस घलान, क्याम्पस प्रमुख यमबहादुर सिलवाल, पब्लिक क्याम्पस प्राध्यापक संघ मकवानपुर बहुमुखी क्याम्पस इकाईका अध्यक्ष घनश्याम घिमिरेलगायतको उपस्थिति रहेको थियो ।

स्ववियुले गुरु पूर्णिमाको अवसरमा हरेक बर्ष प्राध्यापकलाई सम्मान गर्दै आएको छ । कक्षा ११ र १२, स्नातक तथा स्नात्तकोत्तर तहसम्म पठनपाठन हुने मकवानपुर बहुमुखी क्याम्पसमा ५ हजार भन्दा बढी विद्यार्थी अध्ययनरत छन् ।

समाचार श्रोत: समृद्ध समाज दैनिक

हेटौँडाः हेटौँडा–२ स्थित मकवानपुर बहुमुखी क्याम्पसले स्नातक तहमा अध्ययनरत मानविकी संकायका विद्यार्थीका लागि परामर्श कार्यक्रमको आयोजना गरेको छ । शुक्रबार बिहान क्याम्पसको सभाकक्षमा स्नातक तहका विद्यार्थीका लागि औपचारिक अध्ययनका लागि विद्यार्थीले ध्यान दिनुपर्ने कुरा, क्याम्पसले गर्दै आएको सहजीकरण, सीप, दक्षता अभिवृद्धिको विषयमा विद्यार्थीलाई परामर्श कार्यक्रमको आयोजना गरेको हो । क्याम्पसले परामर्शका क्रममा विद्यार्थीका प्रतिक्रिया, सल्लाह तथा सुझाव समेत संकलन गरेको छ ।

मानविकी संकायका प्रमुख कृष्णप्रसाद पौडेलको अध्यक्षता तथा क्याम्पस सञ्चालक समिति सदस्य कृष्ण धितालको प्रमुख आतिथ्यमा कार्यक्रम भएको हो । परामर्श कार्यक्रममा सहायक क्याम्पस प्रमुख संगम चौलागाईले स्नातक तहमा मानविकी संकायका विद्यार्थीले अध्ययन गर्नुपर्ने विविध विषय र विद्यार्थीको क्रियाकलाप, क्याम्पसले गर्दै आएका कार्यका विषयमा जानकारी गराउनुभएको थियो भने अर्का सहायक क्याम्पस प्रमुख उत्तम अर्यालले विद्यार्थीलाई अभिप्रेरणामूलक प्रस्तुती राख्नुभएको थियो । कार्यक्रममा क्याम्पस प्रमुख यमबहादुर सिलवालले स्नातक तहका विद्यार्थीको प्रभावकारी सिकाईका लागि क्याम्पसले सक्दो प्रयास गर्ने र विद्यार्थीको तर्फबाट पनि रचनात्मक सुझावको अपेक्षा गरिएको बताउनुभयो ।

स्वतन्त्र विद्यार्थी युनियनका अध्यक्ष छोइसाङ स्याङ्तान लामाले विद्यार्थीले नियमित क्याम्पसमा उपस्थिति भएर अध्ययन गर्ने र आफ्नो व्यक्तित्व विकासमा ध्यान दिनुपर्ने बताउनुभयो । पछिल्लो समय स्नातक तहमा विद्यार्थीको उपस्थिति न्यून भइरहेको, उच्च शिक्षाका लागि भनेर विदेशिने क्रम बढिरहेका बेला क्याम्पसले देशमै बसेर अध्ययन र आफ्नो समाजका सकारात्मक योगदान दिनुपर्ने विषयमा विद्यार्थीलाई जिम्मेवार बनाउन परामर्श कार्यक्रमको आयोजना गरेको हो । मानविकी संकायका प्रमुख पौडेलले यस किसिमका कार्यक्रम नियमित गर्दै जाने बताउनुभएको छ । विद्यार्थीसँगै अभिभावक र सरोकारवालासँग समेत अन्तरक्रिया र सहकार्य गरी स्नातक तहका विद्यार्थीलाई गुणस्तरीय सैद्धान्तिक पक्ष र व्यवहारिक अभ्यासमा पनि परिचालन गर्ने विषयमा क्याम्पसले आवश्यक कार्य गर्ने उहाँको भनाइ छ ।

परामर्श कार्यक्रममा विद्यार्थीले प्रभावकारी सिकाईका लागि क्याम्पसले अझ धेरै सहजीकरण गर्नुपर्ने सुझाव दिएका छन् । स्नातक तह प्रथम बर्षमा अध्ययनरत छात्रा प्रिया सिंहले स्नातक तहका विद्यार्थी साथीहरुले आफ्ना जिज्ञासा, धारणा र सल्लाह प्रस्तुत गर्न समेत डराउने अवस्था हुनु चिन्ताको विषय भएको बताउनुभयो । प्रभावकारी सिकाईका लागि यस किसिमको अन्तरक्रिया र परामर्श जरुरी भएको उहाँको भनाई थियो । नियमित पठनपाठनसँगै विद्यार्थीलाई व्यवहारिक ज्ञान दिन पनि जरुरी रहेको विद्यार्थीको सुझाव थियो । स्नातक तह अध्ययन गर्दै गरेका, अध्ययन पूरा गरेका विद्यार्थीको समुदायमा कहाँ कहाँ संलग्नता र योगदान छ त्यसको लगत क्याम्पसले संकलन गर्नुपर्नेमा विद्यार्थीले जोड दिएका छन् ।

श्राेत: समृद्ध समाज राष्ट्रिय दैनिक

हेटौंडाः हेटौंडा–२ स्थित मकवानपुर बहुमुखी क्याम्पसका संस्थापक क्याम्पस प्रमुख मुकुन्द दास श्रेष्ठको अर्धकदको शालिक निर्माण गरिने भएको छ । संस्थापक क्याम्पस प्रमुख श्रेष्ठले क्याम्पसको स्थापना र विकासमा पुर्‍याउनु भएको योगदानको सम्मान गर्दै क्याम्पसका पूर्वविद्यार्थीहरुको संगठनले शालिक निर्माण गर्ने निर्णय गरेको हो ।

२०७२ सालको भूकम्पमा परी संस्थापक क्याम्पस प्रमुख श्रेष्ठको निधन भएको थियो । २०३७ सालमा क्याम्पस स्थापना भएदेखि क्याम्पस प्रमुख हुनुभएका श्रेष्ठले २०४५ सालसम्म क्याम्पस प्रमुखको जिम्मेवारी सम्हाल्नु भएको थियो । शालिक निर्माण गरी २०७९ साल बैशाख १२ गते अनावरण गरिने बताइएको छ ।

शालिक बनाउन मकवानपुरकै मूर्तिकार लक्ष्मण भुजेललाई जिम्मेवारी दिइने जानकारी गराउनु हुँदै पूर्वविद्यार्थी संगठनका सचिव अर्जुनप्रसाद चौलागाईले लागतको विषयमा केही दिनमै जानकारी हुने बताउनुभयो । पूर्वविद्यार्थीबाटै आर्थिक सहयोग जुटाएर शालिक निर्माण गर्ने पनि चौलागाईले स्पष्ट पार्नुभएको छ ।

मकवानपुर बहुमुखी क्याम्पस पूर्वविद्यार्थी संगठनका अध्यक्ष केशवलाल श्रेष्ठको अध्यक्षतामा ७ सदस्यीय शालिक निर्माण समिति गठन गरिएको छ । सोमबार मकवानपुर क्याम्पसमै बसेको पूर्वविद्यार्थी संगठनको बैठकले शालिक निर्माण समिति र अनुगमन समिति निर्माण गरेको संगठनका उपाध्यक्ष प्रताप विष्टले जानकारी दिनुभएको छ ।

शालिक निर्माण समितिको सचिवमा अर्जुनप्रसाद चौलागाई, कोषाध्यक्षमा माया पौडेल, सदस्यमा प्रताप विष्ट, विनोद रिजाल, ईन्द्रप्रसाद नेपाल, र प्रभाकर पाण्डे रहनुभएको छ । यस्तै अनुगमन समितिको संयोजकमा यमबहादुर सिलवाल, सदस्यमा हरिबहादुर राउत, मोहनप्रसाद शर्मा र सत्यनारायण सिलवाल रहनुभएको छ ।

News Source: Samriddha Samaj

Publish Date: 2078-05-08

मकवानपुर । त्रिभुवन विश्वविद्यालयद्वारा सम्बन्धन प्राप्त मकवानपुर बहुमुखी क्याम्पसमा अध्ययनरत छात्रा बीबीएम सङ्कायमा नेपाल प्रथम् भएकी छिन् । ब्याचलर अफ बिजनेस म्यानेजमेन्ट (बीबीएम) सङ्कायको पाँचौं सेमेष्टरको परीक्षाको नतिजामा मकवानपुर बहुमुखी क्याम्पसकी विद्यार्थी मनिषा लुईंटेल नेपाल प्रथम भएकी हुन् । उनले सो सङ्कायको पाँचौं सेमेष्टरमा ३ दशमलब ९ जीपीए प्राप्त गरेकी छिन्

सो क्याम्पसमा अध्ययनरत छात्रा प्रजिता सुवेदीले ३ दशमलब ८८ जीपीए नतिजा ल्याउँदैं नेपाल दोश्रो भएकी छिन् ।

विगत बर्षहरुमा समेत बीबीएम सङ्कायमा उत्कृष्ट नतिजा ल्याउन सफल मकवानपुर बहुमुखी क्याम्पस सो सङ्कायको पाँचौं सेमेष्टरका शतप्रतिशत प्रथम् श्रेणीमा नतिजा ल्याउन सफल भएको छ । बीबीएम सङ्कायमा हाल २ सय ४० जना अध्ययनरत रहेको बीबीए/बीबीएम कार्यक्रम निर्देशक मधुकुमार सिंहले जानकारी दिएका छन् ।

Source: https://www.hetaudanews.com/2021/07/26551/?fbclid=IwAR2v5NxdtzDAYQ1x_s3MQMRPT70H85RCRgbR55_xPmXg_LVuLUnf6dRcVHk

हेटौंडाः त्रिभूवन विश्वविद्यालयका उपकुलपति प्राध्यापक डाक्टर धर्मकान्त बास्कोटाले हेटौंडाको मकवानपुर बहुमुखी क्याम्पसको अवलोकन गर्नुभएको छ । आज बिहान क्याम्पसको अवलोकन गर्नुहुँदै क्याम्पस सञ्चालक समिति र क्याम्पसका प्राध्यापक, कर्मचारीसँग अन्तरक्रिया समेत गर्नुभएको छ । त्रिभूवन विश्वविद्यालयबाट सम्बन्धन प्राप्त मकवानपुर बहुमुखी क्याम्पसले स्नातक तहमा कानुन संकाय र इन्जिनियरिङ विषयको सम्बन्धनका लागि उपकुलपतिसँग प्रस्ताव गरिएको मकवानपुर बहुमुखी क्याम्पसका प्रमुख डा. शंकरप्रसाद उपाध्यायले जानकारी दिनुभयो ।

छलफलमा उपकुलपति प्राध्यापक डाक्टर धर्मकान्त बास्कोटाले इन्जिनियरिङ संकायको सम्बन्धन अन्य संकायसँग दिन नमिल्ने व्यवस्थाबारे जानकारी गराउनुहुँदै स्नातक तहमा कानून संकायको सम्बन्धन दिन सकिने र प्रक्रिया अगाडि बढाउन भन्नुभएको मकवानपुर बहुमुखी क्याम्पसका प्रमुख डा. शंकरप्रसाद उपाध्यायले जानकारी दिनुभएको छ । उपकुलपतिसँगको छलफलमा क्याम्पस सञ्चालक समितिका अध्यक्ष अनन्त प्रसाद पौडेल, सदस्यहरु बद्रिप्रसाद लम्साल, अशोक शाक्य, राजीव सुवेदी, सहायक क्याम्पस प्रमुखहरु रामेश्वर बराल, डा. रामप्रसाद अधिकारी, डा. यमबहादुर सिलवाल, पब्लिक क्याम्पस प्राध्यापक संघका अध्यक्ष भोजराज ढकालको पनि उपस्थिति रहेको थियो ।

Source: Samrriddha Samaj Dainik

हेटौंडा, ५ साउन/लकडाउनका कारण करिब चार महिना बन्द रहेको मकवानपुर बहुमुखी क्याम्पसले अध्यापन गराउने तयारी गरेको छ । लकडाउन केही खुकुलो भएसँगै क्याम्पसले पठन पाठन सुचारु गर्ने तयारी गरेको हो ।

क्याम्पसले अनलाइन माध्यमबाट सम्भव भएसम्मका विद्यार्थीलाई सहभागी गराएर पठनपाठन सुचारु गर्ने तयारी गरेको क्याम्पस प्रमुख डा. शंकरप्रसाद उपाध्यायले जानकारी दिए । कक्षा ११ का विद्यार्थीको मूल्यांकन गर्ने, नियमित पठनपाठन सञ्चालन गर्ने तथा नया“ भर्नाको व्यवस्थापनको विषयलाई लिएर मकवानपुर बहुमुखी क्याम्पसको प्राज्ञिक समितिको बिहीबार छलफल गरेको छ । प्राज्ञिक समितिको छलफलपछि क्याम्पसले संकायगत छलफल गरिरहेको छ । शुक्रबार व्यवस्थापन संकाय प्रमुख, विभागीय प्रमुख तथा प्राध्यापकबीच छलफल सञ्चालन गरेको थियो भने सोमबार बिहान मानविकी तथा शिक्षाशास्त्र संकाय र विज्ञान संकायका प्रमुख एवम् विभागीय प्रमुख तथा प्राध्यापकहरुबीच छलफल गरेको छ ।

राष्ट्रिय परीक्षा बोर्डले आन्तरिक परीक्षा र कक्षामा विद्यार्थीको उपस्थितिका आधारमा मूल्यांकन गरी कक्षा ११ को वार्षिक नतीजा प्रकाशन गर्ने जनाएको छ । बोर्डले निर्देशिका जारी नगरिसकेको अवस्थामा क्याम्पसले आवश्यक तयारी गर्न सुरु गरेको क्याम्पस प्रमुख उपाध्यायले बताए । यस्तै क्याम्पसले साउन दोस्रो सातादेखि कक्षा १२ र स्नातक तहको पठनपाठन अनलाइनमार्फत सञ्चालन गर्ने तयारी गरेको मकवानपुर बहुमुखी क्याम्पसको शैक्षिक प्रमुख एवम् सहायक क्याम्पस प्रमुख डा. रामप्रसाद अधिकारीले जानकारी दिए । क्याम्पसमा ठूलो संख्यामा विभिन्न जिल्ला एवम् प्रदेशका विद्यार्थी भएकाले सबैलाई समेट्न नसकिए पनि सम्भव भएसम्मका विद्यार्थीलाई क्रमशः नियमित पठनपाठनमा सहभागी गराउने सहायक क्याम्पस प्रमुख डा. रामप्रसाद अधिकारीले बताए ।

Source: https://rb.gy/tlpv76

हेटौँडा,६, चैत्र ।
कोरोना भाईरसको त्रासको कारण हेटौँडामा रक्तदान कार्यक्रमहरु कमि भैरहेको अवस्थामा मकवानपुर बहुमुखी क्याम्पस हेटौँडामा रक्तदान कार्यक्रमको आयोजना भएको छ ।

आज युवा रेडक्रस सर्कल मकवानपुर बहुमुखी क्याम्पस हेटौंडाले रक्तदान कार्यक्रमको आयोजना गरेको हो ।
कार्यक्रममा २२ जनाले रक्तदान कार्यक्रम गरेका थिए । रगत अभाव भएको र रगत संकलनको लागि रक्त सञ्चार केन्द्रले आह्वान गरेको खबर खबरब्रेकले हिजो सार्वजनिक गरेको थियो ।

सर्कलका अध्यक्ष संतोषी पुडासैनीको अध्यक्षता एवं नेपाल रेडक्रस सोसाइटी मकवानपुरका सभापति सुर्यचन्द्र न्यौपानेको प्रमुख आतिथ्यमा भएको कार्यक्रममा नेपाल रेडक्रस सोसाइटी हेटौंडा उपशाखा सभापति शिबहरि दाहाल, रक्तसञ्चार केन्द्रका प्रमुख टंक दाहाल, शिक्षक नायक उदय अधिकारी लगएतकले मन्तव्य ब्यक्त गरेका थिए ।
Source: khabarbreak.com

हेटौँडा,१३, फागुन ।
बागमती प्रदेशका मुख्यमन्त्री डोरमणी पौडेलले अब आम नागरिकहरु उत्पादनसँग जोडिनुको बिकल्प नभएको बताएका छन् ।
मकवानपुर बहुमुखी क्याम्पसको आयोजनामा आज हेटौँडामा भएको ब्यवसायिक अबसर र उद्यमशिलता विषयक एकदिने कार्यशालाको उद्घाटन गर्दै मुख्यमन्त्री पौडेलले पढेर मात्र नभै पढेको कुरालाई ब्यवसायिकतामा परिवर्तन गर्नुपर्ने बताए ।
क्याम्पसको स्नातक तह विविए तथा विविएमा अध्ययन गर्ने विद्यार्थीहरुको लागि आयोजना गरिएको कार्यशालामा बोल्दै मुख्यमन्त्री पौडेलले अब घोकन्ते विद्याले मात्र नहुने बताए ।
शिक्षा क्षेत्रमा आमुल परिवर्तन हुनुपर्ने भन्दै उनले सिकाई शिक्षालाई जोड दिनुपर्ने बताए । हामीले भौतिक विकासलाई मात्र विकास देख्ने परिपाटीको अन्त्य हुनुपर्ने भन्दै उनले सबै पक्षको विकास भएमात्र समृद्धि हाँसिल आउने दाबी गरे ।
मकवानपुर बहुमुखी क्याम्पस सञ्चालक समितिका अध्यक्ष अनन्त पौडेलको अध्यक्षतामा भएको कार्यक्रममा क्याम्पसका पुर्व अध्यक्ष माईकल रामचन्द्र अर्याल, क्याम्पस प्रमुख शंकरप्रसाद उपाध्यय लगाएतले मन्तब्य ब्यक्त गरेका थिए । विद्यार्थीहरुको लागि शुसिल पोखरेलले श्रोत ब्यक्तिको रुपमा सहजिकरण गरेका छन् ।

News Source: https://www.khabarbreak.com

हेटौंडा । बागमती प्रदेशका मुख्यमन्त्री डोरमणी पौडेलले सरकारले लिएको नीति भनेको प्राविधिक शिक्षा रहेको वताउनु भएको छ ।
मकवानपुर बहुमुखी क्याम्पसको आयोजनामा आज हेटौँडामा भएको ब्यवसायिक अबसर र उद्यमशिलता विषयक एकदिने कार्यशालाको उद्घाटन गर्दै मुख्यमन्त्री पौडेलले अव रोजगार खोज्न आफु हिड्ने भन्दा पनि रोजगार दाता कलेजमा आउने वातावरण तयार गर्नुपर्ने वताउनुभयो ।

अब आम नागरिकहरु उत्पादनसँग जोडिनुको बिकल्प नभएको उहाँले बताउनुभयो । पढेर मात्र नभै पढेको कुरालाई ब्यवसायिकतामा परिवर्तन गर्नुपर्ने बताउनुभयो । क्याम्पसको स्नातक तह विविए तथा विविएमा अध्ययन गर्ने विद्यार्थीहरुको लागि आयोजना गरिएको कार्यशालामा बोल्दै मुख्यमन्त्री पौडेलले अब घोकन्ते विद्याले मात्र नहुने बताउनुभयो ।

शिक्षा क्षेत्रमा आमुल परिवर्तन हुनुपर्ने भन्दै उनले सिकाई शिक्षालाई जोड दिनुपर्ने उहाँले बताउनुभयो । हामीले भौतिक विकासलाई मात्र विकास देख्ने परिपाटीको अन्त्य हुनुपर्ने भन्दै सबै पक्षको विकास भएमात्र समृद्धि हाँसिल आउने दाबी गर्नुभयो ।

मकवानपुर बहुमुखी क्याम्पस सञ्चालक समितिका अध्यक्ष अनन्त पौडेलको अध्यक्षतामा भएको कार्यक्रममा क्याम्पसका पुर्व अध्यक्ष माईकल रामचन्द्र अर्याल, क्याम्पस प्रमुख शंकरप्रसाद उपाध्यय लगाएतले मन्तब्य ब्यक्त गरेका थिए । कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, क्याम्पसका लेखा समितिका अध्यक्ष हरि हुमागाई, क्याम्पस क्याम्पस सञ्चालक समितिका सदस्यहरु लगायतकाको सहभागिता रहेको थियो ।

News Source:https://www.janapatra.com/archives/25264?fbclid=IwAR0sSHnLjCXy34yJ4wZbS7jOm93Qtc6mhTA8GcZbr8K6rJUX3RVNfVatxyg

यसमा तपाइको मत

noteburner itunes audio converter

Makawanpur Multiple Campus (MMC) is going to organize one day conference on “Igniting Entrepreneurial Thinking in Youth’s Mind” on February 25, 2020. For the promotion of quality measures, campus should organize workshop, seminar, conference, dialogue on contemporary issues in regular basis. Entrepreneurship is considered as engine of economy. Economy can not drive on the path of prosperity without innovative and competitive entrepreneurs in the country. Keeping that in mind, an in campus one day conference is proposed on the title Conference on “Igniting Entrepreneurial Thinking in Youth’s Mind”. The conference has targeted to all BBA/BBM students studying in this campus.

Conference Objectives: General objective of this conference is to bring conducive entrepreneurial environment in the country.

1. To develop entrepreneurial intention among graduates.
2. To motivate students in entrepreneurship and self-employment.
3. To reduce brain drain from the country.

Method: Paper Presentation on various themes by resource persons, experience sharing by entrepreneur from industrial sector.

Participants: All students who are studying in BBA/BBM. Total participants are around 250.

Expected Outcome: Fresh graduates will be motivated towards thinking in innovation and will be attracted in entrepreneurial career planning. They may plan for start-up together. Mind set will be changed to go abroad and be sure to do something in the country. They will better understood entrepreneurship.  

For Detail Schedule: https://mmchetauda.edu.np/wp-admin/post.php?post=628&action=edit

हेटौंडा । मकवानपुर बहुमुखी क्याम्पसमा स्वतन्त्र विद्यार्थी युनियनको आयोजनामा २९ औं बार्षिक उत्सव तथा स्ववियु खेलकुद महोत्सवको आज समापन गरिएको छ । कार्यक्रमको उद्घाटन् गर्दै बागमती प्रदेशका मुख्यमन्त्री डोरमणि पौडेलले यस क्याम्पस अवको तीन वर्ष भित्रमा विश्व विद्यालय निर्माण गर्ने वताउनुभएको छ । विश्व विद्यालयको परिकल्पनाका साथ काम गरिएको उहाँले वताउनुभयो । विद्यार्थी क्याम्पसका गौरव भएको वताउनुभयो ।

विद्यार्थी सृजनाका धनी रहेको उहाँले वताउनुभयो । क्याम्पसका स्ववियु सभापति कुमार केसीको अध्यक्षतामा भएको कार्यक्रममा जिल्ला समन्वय समिति मकवानपुरका प्रमुख रघुनाथ खुलाल, मकवानपुरका प्रमुख जिल्ला अधिकारी नारायण प्रसाद भट्ट, क्याम्पस संचालक समितिका अध्यक्ष अनन्त पौडेल, सदस्य प्रलाद लामिछाने, बद्री लंसाल, अशोक शाक्य, कृष्ण कटुवाल, क्याम्पस प्रमुख शंकर उपाध्याय लगायतकाको आतिथ्यता रहेको थियो ।

स्ववियुको बार्षिक उत्सवका अवसरमा आज क्याम्पसका संचालक समितिका पूर्व अध्यक्ष समेत रहनुभएका मुख्यमन्त्री डोरमणि पौडेल, क्याम्पसका उत्कृष्ट विद्यार्थी, प्राध्यापक, पूर्व क्याम्पस प्रमुख लगायतका क्षेत्रमा उत्कृष्ट भएकालाई आज सम्मानित गरेको हो । क्याम्पसमा आज नाचगानको भव्य कार्यक्रम समेत गरिएको थियो ।

News published in https://www.janapatra.com/ , Date: 2076-10-29

मकवानपुर बहुमुखी क्याम्पसको ३९ औ वार्षिकोत्सबको अवसरमा संचालन भएको बिभिन्न खेलकुद कार्यक्रमहरुमा बिजयी खेलाडीहरुलाई पुरस्कार वितरण तथा क्याम्पसमा कार्यरत रही यसै वर्ष सेवा छोड्नु भएका प्राध्यापक तथा संचालकज्यूहरुलाई सम्मान गर्ने कार्यक्रम यहि मिति २०७६।१०| २९ गते सम्पन्न भएको छ। साथै २०७५ सालको विभिन्न तह र कक्षाहरुमा उच्च अंक ल्याई प्रथम हुने महिला र पुरुष बिद्धार्थीहरुलाई समेत सम्मान गरिएको थियो। कार्यक्रमको प्रमुख अतिथि बागमती प्रदेशका मुख्यमन्त्री माननीय डोरमणि पौडेलले सम्मान तथा पुरस्कार वितरण गर्नु भएको थियो।

मकवानपुर । मकवानपुर बहुमुखी क्याम्पसमा अध्ययनरत प्रजिता सुवेदी नेपाल ट्प्पर भएकी छिन् ।

हेटौंडा उपमहानगरपालिका-२ बस्ने प्रजिता बिबिएम ४ वर्षको परिक्षामा ३.९३ जिपिए प्राप्त गर्दै नेपाल टप्पर बनेकी हुन् ।

उनीसँगै मनिषा लुईटेलले ३.८३, एन्जिला खड्काले ३.७३ र सर्वेश आचार्यले ३.६९ जिपिए प्राप्त गरेको BBM/ BBA डाइरेक्टर मधुकुमार सिंंहलेे जानकारी दिए ।

क्याम्पसले हरेक वर्ष सत प्रतिशत नतिजा निकाल्दै आएको समेत डाइरेक्टर सिंहले बताए ।

Source: https://www.lalkhabar.com/, Publish Date: 2076-10-28

तहका विभिन्न शैक्षिक कायृक्रम सञ्चालन गर्दै आएको मकवानपुर बहुमुखी क्याम्पसमा ६ हजारभन्दा बढी विद्यार्थी अध्ययनरत छन् । नयाँ शैक्षिकसत्रबाट मकवानपुर बहुमुखी क्याम्पसमा शिक्षा शास्त्र संकायअन्तर्गत स्नाकोत्तर तहमा अंग्रेजी र शैक्षिक मूल्यांकन विषयको अध्यापन सुरु हुँदैछ । यसै विषयमा मकवानपुर बहुमुखी क्याम्पसका सहायक क्याम्पस प्रमुख डा. रामप्रसाद अधिकारीसँग ज्योति न्यौपानेले गर्नुभएको कुराकानीः

मकवानपुर बहुमुखी क्याम्पसले स्नाकोत्तर तहमा शिक्षा सङ्कायको अध्यापन सुरु गर्ने तयारी गरेको छ । स्नाकोत्तर तहमा पनि शिक्षाशास्त्रको कार्यक्रमको आवश्यकता भएको हो ?

अधिकारीः मकवानपुर बहुमुखी क्याम्पसले शिक्षाशास्त्र संकायको स्नातक तहमा २०५९ सालदेखि कक्षा सञ्चालन गर्दै आएको छ । त्यस बीचमा बिएड उत्तीर्ण भएका विद्यार्थीहरुले धेरै अगाडिदेखि नै स्नातकोत्तरको तह एमएडको पढँइको माग हुँदै आएको हो । त्यस क्रममा हामीले विभिन्न तहको पहल गरयौँ । यस वर्षबाट एमएड तहको स्वीकृति प्राप्त गरेका हौँ । विशेषगरी विद्यालय तहदेखि क्याम्पस तहसम्म पढाउनको लागि शिक्षा सङ्काय अन्तर्गत अध्ययन गर्ने शिक्ष्ँकहरू उत्पादन गर्ने एउटा उद्देश्य हो भने अध्ययन अध्यापन कार्यमा अरु विषयको शिक्ष्ँक भन्दा शिक्षा विषयको शिक्षकहरु शिक्ष्ँण सिकाई प्रक्रिया विभिन्न शिक्षण सामग्री अथवा शिक्षण विधि विषयमा बढि जानकारी हुने भएको कारणले गर्दा यो सङ्काय सञ्चालन गर्न लागेको हो ।

हेटौडाका अन्य क्याम्पसले शिक्षा शास्त्र सङ्कायको कक्षा सुरु गरिरहँदा मकवानपुर बहुमुखी क्याम्पसले पनि फेरि त्यही सङ्कायले सुरु गर्दा अस्वस्थ प्रतिस्पर्धा भएन र ?

अधिकारीः शिक्षामा प्रतिस्पर्धा हुन्छ, तर हामी अस्वस्थ प्रतिस्पर्धामा विश्वास गर्दैनौं । हामी मिलेर नै शैक्षिक कार्यक्रम सञ्चालन गर्ने हो । किनभने एउटा क्याम्पसले चलाएको कार्यक्रम अर्को क्याम्पसमा कहिलेकाहीँ आउँछ । सबै कुरा चाहेर मात्र हुन्छ भन्ने पनि छैन । हामीले सोचे जसरी सबै विषय प्राप्त गर्न पनि सकेनौँ । यसपल्ट एमएड मा अङग्रेजी इपिएम दुईवटा विषय प्राप्त गर्न सकेका छौं । त्रिविले स्वीकृति दिएको छ । हामी दुबै क्याम्पसको बीच एकआपसमा सहयोगी भावना विकास गरेर यो सहयोगहरू आदनप्रदान गर्दै अगाडि बढ्छौं । अस्वस्थ प्रतिस्पर्धा हामी गर्दैनौं ।

मकवानपुर बहुमुखी क्याम्पसमा धेरै विद्यार्थीहरु छन् जसलाई एउटा पूर्णरुपमा व्यवस्थापन गर्न सकेको छैन भन्ने गुनासो चलिरहेको बेलामा अर्को संकाय थप्दा यसले अप्ठेरो सिर्जना गर्दैन ?

अधिकारीः  बिहानको समयमा अलिकति व्यवस्थापन गर्नलाई गाह्रो भएको हो । क्याम्पस प्रशासनमा हामी भर्खरै आएका हौं । हामी आफ्नो हिसाबले पहल गर्दैछौं र त्यसलाई पनि व्यवस्थित गर्दै लैजान्छौं र यो साँझमा चल्ने कार्यक्रम हो । साँझमा चल्ने कार्यक्रम धेरै राम्रोसँग चलिरहेको छ । अरु विषयहरु पनि चलिरहेको छ । सबै व्यवस्थित रुपमा चलिरहेको छ ।

मकवानपुर क्याम्पस अहिले नयाँ सञ्चालकले नेतृत्व गर्दै आएको छ, क्याम्पसप्रति आकर्षण बढाउनका लागि यहाँहरुले के गर्दै हुनुहुन्छ ?

अधिकारीः मकवानपुर बहुमुखी क्याम्पसमा हामीले चाँडै नै श्रव्यदृश्य अर्थात मल्टिमिडियाको प्रयोगबाट सबै कक्षामा पढाउने कुरा छ । शिक्ष्ँकलाई शिक्ष्ँण सिकाई प्रक्रियाका बारेमा तालिमहरु दिने योजनाहरु बनाइराखेका छौं । त्यसैगरी शिक्ष्ँण सिकाई प्रक्रियालाई चाहिँ अनुसन्धानसँग जोडेर अनुसन्धानात्मक विधि अपनाएर शिक्ष्ँण सिकाई प्रक्रियामा सुधार गर्ने, शिक्ष्ँण सिकाई प्रक्रियाबाट सिकाईलाई नतिजामुखीतिर लैजाने र शिक्षामा गुणस्तरीय शिक्षा वृद्धि गर्नाको लागि हामीले विभिन्न योजना बनाएर राखेको छौं । कार्यान्वयन गर्न त्यो फेजमा पुगेका छैनौं निकट भविष्यलाई नै हाम्रो योजना कार्यान्वयनमा आएपछि गुणस्तर वृद्धिमा सुधार हुन्छ ।

योजना बनाउँदा सुझावहरु कोसँग लिनुहुन्छ ?

अधिकारीः हामीले नयाँ योजना बनाउनुभन्दा अगाडि सुझाव सङ्कलनको कामहरु हुन्छ । हाम्रो आफ्नै एउटा उद्देश्य छ । त्यो उद्देश्यहरु तयार भइसकेपछि त्यो अनुसारको सुझाव सङ्कलन हामी सरोकारवाला जोजो हुन्छन् त्यहाँ विद्यार्थी अभिभावक सञ्चालक समिति प्राध्यापकहरु पनि कर्मचारी सबैसँग सुझाव सकंलन गर्छौ । उहाँहरुको सुझावलाई पनि समायोजन गरेर अनि हामी एउटा विशिष्ट खालको योजना बनाएर अगाडि बढ्छौँ ।

अहिले क्याम्पसमा कुन सङ्कायमा विद्यार्थीको चाप बढिरहेको छ ?

अधिकारीः  हामी कहाँ व्यवस्थापन संकायमा विद्यार्थीको चाप अलि बढी छ । अरु संकायमा पनि अहिले बढ्ने क्रम रहेको छ । शिक्षा संकायमा पनि विद्यार्थी अहिले धेरै नै बढिरहेको छ । मानविकी सकांय चाहिँ हाम्रोमा मात्रै पढाई हुन्छ त्यो कारणले मानविकी सकांयमा पनि विद्यँर्थी स्वाभाविक नै हो ।

विद्यार्थीको शैक्षिकअवस्था हेर्दा अवस्था हेर्दा बढी उत्तीर्ण हुने दर कुन सङ्कायमा देखिन्छ ?

अधिकारीः संकायको हिसाबले हेर्दा विज्ञान संकायको रिजल्ट अलि राम्रो छ । त्यसपछि शिक्षा सङ्कायमा राम्रो छ । त्यसपछि वाणिज्य वा व्यवस्थापन सङ्काय र मानविकी सङ्काय हुँदै राम्रो छ । कहिले काहिँ तलमाथि भइरहन्छ । विज्ञान संकाय नै उत्कृष्ट नै छ ।

यहाँबाट पढेर गएका विद्यार्थीहरू कहाँ कहाँ खपत भएका छन् केही त्यस्तो रेकर्डहरु पाउनुभएको छ ?

अधिकारीः विज्ञान सकांयबाट पास हुने धेरैजसो रोजगार नै छन् । कोही डाक्टर भइसके, कोही इन्जिनियर भइसके कोही शिक्ष्ँककै रुपमा काम गरिहेको छ । कोही विभिन्न कम्पनीहरुमा केमिस्टरको रुपमा काम गरिरहेको छन् । शिक्षाको कुरा गर्दा पनि धेरै विद्यँर्थीहरु लगभग धेरै विद्यार्थीहरु रोजगार छन् । बिएड पास गरिसकेपछि शिक्ष्ँकमा नाम निकालेर पनि गएका छन् । त्यसैगरी लोकसेवा आयोगको तयारी गरेर पनि गएका छन् । अब वाणिज्य संकाय त झन विभिन्न खालको यो सहकारीहरुमा आवद्ध भएका छन् । त्यसैगरी बैङ्कमा जागिर गरेको छन् । विभिन्न कम्पनिहरुमा पनि लेखापालको रुपमा जागिर प्राप्त गरेको छन् । अनि यतापट्टि हाम्रो मानविकी संकायको पनि विशेषगरी मानविकी सकांयको विद्यार्थीहरुको पनि लोकसेवा आयोगप्रति बढी आकर्षण छ । मानविकी संकायमा अध्ययन गर्ने विद्यार्थीहरुले पनि लोकसेवा आयोग तयारी गरेर धेरै संख्यामा नाम निकालिरहेका छन् ।

Originally Published in Samriddha Samaj National Daily